Հասցե:

Ազատության 13/1 | Մալաթիա,Սեբաստիա 81 | Ռոստովյան 15/15
ք. Վանաձոր, Թումանյան 2/5 | ք. Գյումրի, Հաղթանակի 102

Տանիքի դիզայն

Ջրահեռացման հաշվարկ

Տանիքի հաշվարկ

Facebook

Instagram

044344344

Ինչի՞ համար են նախատեսված սենդվիչ պանելները

Սենդվիչ պանելը ժամանակակից շինանյութ է՝ նախատեսված շինությունների արտաքին կառուցապատման համար, գործածական է նաև շինությունների ներսում՝ որպես միջնորմ: Երկու դեպքում էլ սենդվիչ պանել օգտագործելը շատ ավելի մատչելի և արագ արդյունք է ապահովում, քան այլ շինանյութով (քար, աղյուս և այլն) կառուցապատումը:

Արտաքին կառուցապատման ժամանակ սովորաբար գործածվում է սենդվիչ պանելի երկու տեսակ՝

  • սենդվիչ պանել պատ կառուցելու համար
  • սենդվիչ պանել տանիք կառուցելու համար


Թե՛ տանիքի ու թե՛ պատի սենդվիչ պանելները կարող են օգտագործվել գործնականում ցանկացած տեսակի շինություն կառուցելու համար: Որակյալ ու կոկիկ մակերևույթի շնորհիվ սենդվիչ պանելներով կառուցված շինությունների պատերն ու տանիքը չունեն արտաքին հարդարանքի կարիք, իսկ պանելների ներքին՝ ջերմամեկուսիչ նյութերից կազմված շերտն ապահովում է շինության լիարժեք ջերմամեկուսացում և կայուն ջերմաստիճան տարվա ցանկացած եղանակի: Հենց այս՝ ջերմամեկուսիչ հատկությունների շնորհիվ բավական տարածված է սենդվիչ պանելների կիրառությունը սառնարանային պահեստների կառուցման համար:

Ժամանակակից շինարարության մեջ սենդվիչ վահանակներից կառուցվում են բնակելի ու առևտրային շինություններ, հյուրատնային համալիրներ, մեծ ու փոքր սպորտային կենտրոններ, ցուցահանդեսային տաղավարներ և այլն: Թե՛ միահարկ ու թե՛ մի քանի հարկ ունեցող շենք կառուցելու համար հարկավոր է նախապես ունենալ ամուր մետաղյա կարկաս, որի վրա էլ հենց մոնտաժվում են սենդվիչ պանելները՝ որպես պատեր, միջնորմներ և տանիք:Վերջիններիս մոնտաժումը կատարվում է հեշտությամբ և արագ՝ սենդվիչ վահանակների թեթև քաշի և ունիվերսալ ու բազմազան չափսերի շնորհիվ:

Սենդվիչ պանելները սովորաբար երեսապատված են լինում ցինկապատ թիթեղներից՝ դեկորատիվ ծածկույթով: Գեղեցիկ, կոկիկ ու գունավոր երեսապատման շնորհիվ սենդվիչ վահանակները շինությունների բոլոր տեսակներին հաղորդում են ներկայանալի տեսք:

Արժե նշել նաև, որ սենդվիչ պանելները կարող են գործածվել ոչ միայն նոր կառուցապատման, այլև հին շինությունների պատերն ամրացնելու համար: Այս դեպքում դա հնարավոր է անել նաև առանց հիմքը ամրացնելու (խնայելով ժամանակն ու գումարը), քանի որ սենդվիչ վահանակները բավական թեթև են և մեծ ծանրաբեռնվածություն չեն լինի հիմքի համար: